Milatović: Opština Tuzi raspolaže ogromnim turističkim potencijalima

Cijevna se uliva u rijeku Moraču, kao lijeva pritoka, a izvire na sjevernoj strani Prokletija.

Gornjim tokom protiče kroz Albaniju pod imenom Cem Selcit, a u Crnu Goru ulazi južno od planine Suka Mizdarkut (1144 m) i taj dio toka dug je 33 km, ukupna dužina rijeke je 56 km, a sliv obuhvata 360 km?.

Protiče dubokom klisurom, koja se postepeno snižava i proširuje. Na dužini do 25 km usjekla je do 1.000 metara duboku kanjonsku dolinu (15 km na crnogorskoj teritoriji i 10 km u Albaniji).


Kanjon je najdublji u pograničnom dijelu sa Albanijom, a njegova dubina smanjuje se kako se ide prema zapadu, da bi se završavao u selu Dinoša, gdje rijeka prelazi u ravničarsku.

Veoma je brza rijeka, čak u ravnici Zete u koju ulazi prosječan joj je pad 3,67‰.

Godišnje kolebanje vodostaja je prosječno 150 cm, usljed nesrazmjerne visine padavina u pojedinim mjesecima i topljenja snijega krajem proljeća. Na samo 4 km od centra Podgorice, na rijeci Cijevni nalazi se vodopad, u narodu poznat kao Nijagarin vodopad.

Kanjon Cijevne je jedan od najvećih botaničkih lokaliteta u Evropi, a duž rijeke su brojne lijepe pjeskovite plaže, virovi.

Ljubiteljima splavarenja, kanua, kajakaštva, alpinizma i sportskog ribolova, pruža brojne mogućnosti. (putokaz.me)