Kanjon Mrtvice skreće pažnju na sebe i zavređuje epitet jednog od najljepših kanjona Evrope.

Mrtvica je snažna planinska rijeka duga oko 10 km, stiješnjena liticama istoimenog kanjona dubokog oko 1250 m što ga svrstava na drugo mjesto, odmah iza Tare.Voda je cjelim tokom potpuno čista i pitka, naizmjenično se smjenjuju modro i tamno-zelena boja a na nekim mjestima, u brzacima gdje pjenuša djeluje potpuno nestvarno. Na početku Mrtvica je tiha i mirna, ali što se duže zalazi u njen kanjon postaje sve bučnija, a na pola rječnog toka, priroda je za one, koji dođu do tog mjesta, napravila prelijepu plažu sakrivenu u šumi. Rijeka je sakrivena između Moračkih planina, isprepletana mnoštvom pjenušavih bukova i izvora i njenu ljepotu je veoma teško opisati. Jednostavno, mora se doživjeti. (kolasin.me)